६९ औं प्रजातन्त्र दिवस २०७५
2075-11-07
2075-11-07
तस्बिर :
६९ औं प्रजातन्त्र दिवस २०७५ आज भब्यरुपमा सम्पन्न भएको छ । सदरमुकाम मंगलसेनको खुलामंचबाट बाजागाजा सहित र्याली सुरु भई बजार परिक्रमा पछी जिल्ला समन्वय समितिको समिक्षालय हलमा औपचारिक कार्यक्रम भएको थियो । र्यालीमा जिल्लस्थित बिभिन्न सरकारी तथा गैरसरकारी कार्यालयका प्रमुख तथा प्रतिनिधि, नेपाली सेना, नेपाल प्रहरी, बिभिन्न राजनितिक दलका प्रतिनिधि, जन प्रतिनिधि, समाजसेवी, नागरीक समाजका प्रतिनिधि लगायतको सहभागिता रहेको थियो । जिल्ला समन्वय समिति अछामका उप संयोजक टोप बहादुर रावलको अध्यक्षतामा भएको कार्यक्रमका प्रमुख अतिथी सभासद भरत साउद रहनु भएको थियो । यस्तै कार्यक्रममा मंगलसेन नगरपलिकाका नगर प्रमुख पदम बहादुर बोहरा बिशिष्ठ अतिथी रहनु भएको थियो भने अछामका निमित्त प्रमुख जिल्ला अधिकारी शितल बहादुर रावल अतिथी रहनु भएको थियो । ६९ औं राष्ट्रिय प्रजातन्त्र दिवस जिल्ला समारोह समिति अछामको आयोजनामा कार्यक्रम सम्पन्न भयो ।