जिल्ला परिचय 2075-07-12

---

---

अछाम जिल्लाको स‌ंक्षिप्त परिचय

भौगोलिक हिसाबले सुदूरपश्चिम क्षेत्रको पहाडी जिल्ला मध्ये सबैभन्दा ठुलो जिल्लाको रुपमा अछाम जिल्ला रहेको छ । ८१.०२ डिग्री देखि ८१.३५ डिग्री पुर्वी देशान्तर तथा २८.४५ डिग्री देखि २९.३३ डिग्री उत्तरी अक्षांश सम्म फैलिएको यस जिल्लामा २ वटा निवार्चन क्षेत्र, ४ वटा नगारपालिका र  ६ वटा गाउँपालिकाहरु रहेका छन् । यस जिल्लाको पुर्वमा दैलेख¸ पश्चिममा डोटी¸ उत्तरमा कालिकोट र बाजुरा तथा दक्षिणमा सुर्खेत जिल्ला अवस्थित छ । १६९२ व.कि.मि. क्षेत्रफल रहेको यस जिल्लाको सदरमुकाम मंगलसेन १३२६ मीटर उचाईमा रहेको छ । साँफेबगर¸ कमलबजार¸ बिनायक¸ मंगलसेन आदी यहाँका प्रमुख व्यापारिक केन्द्रहरु हुन् । खप्तड¸ बिनायक¸ रामारोशन¸ बैजनाथ¸ प्रमुख प्रर्यटकिय गन्तव्यहरु हुन् ।

अछाम जिल्लामा रहेका स्थानीय तहहरुको विवरण

क्र.सं.	स्थानीय तहको नाम	समावेश गाविस / नगरपालिका	वडा संख्या	जनसंख्या	क्षेत्रफल (वर्ग कि.मी.)
१	मंगलसेन नगरपालिका	बान्नातोली, बस्ती, कालागाउँ गा.वि.स. र मंगलसेन नगरपालिका	१४	३२३३१	२२०.१४
२	कमलबजार नगरपालिका	कुईका (१-५), वीरपथ, घोडासेन (२-६) र कमलबजार नगरपालिका	१०	२३७३८	१२०.७८
३	साँफेबगर नगरपालिका	बुढाकोट, घुघुरकोट. देवीस्थान, खप्तड, वाब्ला र पातलकोट गा.वि.स.हरु र साफेबगर नगरपालिका	१४	३३७८८	१६६.७१
४	पन्चदेवल विनायक नगरपालिका	कुईका (६-९), विनायक, कालिकास्थान, लयाटी, तोली, पुल्लेतोला, वारला र कालेकाँडा गा.वि.स.	९	२७४८५	१४७.७५
५	चौरपाटी गाउँपालिका	सिउडी, सोकट, पायल, लुग्रा, दुनि र मार्कु गा.वि.स.	७	२५१४९	१८२.१६
६	मेल्लेख गाउँपालिका	ऋषिदह, ठाँटी, कुस्कोट विन्धवासिनी, शोडषा, नन्देगडा र हात्तिकोट गा.वि.स.	८	२४६७०	१३४.७८
७	बान्निगढी जयगढ गाउँपालिका	गाँज्रा, जनालीकोट, बरदादेवी, तिमिल्सेन, कालिका र दर्ना गा.वि.स.	६	१७३५९	५८.२६
८	रामारोशन गाउँपालिका	मलातिकोट, चाफमाण्डौ, शान्तडा, बाटुलासेन, रामारोशन भाटाकाटीया र सुतार गा.वि.स.	७	२५१६६	१७३.३३
९	ढकारी गाउँपालिका	ढकारी, हिच्मा, वलाता, ढुंगाचाल्ना र घोडासैन (१,७,८,९)	८	२१५६२	२२७.८८
१०	तुर्माखाँद गाउँपालिका	रहफ, भैरवस्थान, तुर्माखाँद, नाडा, रानीवन, तोषी र धमाली गा.वि.स.	८	२४९४०	२३२.०७
	जम्मा		९१	२५६१८८	१६६३.८६

---